ವಿಶ್ವಾದ್ಯಂತ ಆಚರಿಸಲಾಗುವ ಏಪ್ರಿಲ್ ಫೂಲ್ ದಿನಕ್ಕೂ ಇಂತಹದ್ದೇ ವಿಭಿನ್ನ ಇತಿಹಾಸವಿದೆ. ಇತಿಹಾಸ ತಜ್ಞರ ಪ್ರಕಾರ, 16ನೇ ಶತಮಾನದಲ್ಲಿ ಫ್ರಾನ್ಸ್ನಲ್ಲಿ ಮೊದಲು ಏಪ್ರಿಲ್ ಫೂಲ್ ದಿನದ ಆಚರಣೆ ಆರಂಭವಾಯಿತು. ಫ್ರಾನ್ಸ್ನಲ್ಲಿ ಏಪ್ರಿಲ್ ಒಂದರಂದೇ ಪವಿತ್ರ ದೇವತೆ ವೇನಿಸ್ ಪೂಜೆ ಮಾಡಲಾಗುತ್ತಿತ್ತು. ವೆನಿಸ್ ಖುಷಿ ಹಂಚುವ ದೇವತೆ. ಹೀಗಾಗಿ ಆಕೆಯ ಪೂಜೆಯ ದಿನವನ್ನೇ ಸಂತೋಷ ಹಂಚುವ ದಿನವಾಗಿ ಆಚರಿಸಲು ಆರಂಭಿಸಲಾಯಿತು ಎನ್ನಲಾಗಿದೆ.
ಇವುಗಳನ್ನು ಓದಿ
ಹೆಚ್ಚಿನ ಲೇಖಕರು ಮತ್ತು ಇತಿಹಾಸ ತಜ್ಞರ ಅಭಿಪ್ರಾಯದಂತೆ ಏಪ್ರಿಲ್ ಈಗಿನ ರೀತಿ ಕ್ಯಾಲೆಂಡರ್ನ ನಾಲ್ಕನೇ ತಿಂಗಳಾಗಿರಲಿಲ್ಲ. ಅದು ವರ್ಷದ ಮೊದಲ ತಿಂಗಳಾಗಿರುತ್ತಿತ್ತು. ಇಂದಿಗೂ ಅನೇಕ ರಾಷ್ಟ್ರಗಳಲ್ಲಿ ಏಪ್ರಿಲ್ ಅನ್ನೇ ವಿತ್ತೀಯ ಕ್ಯಾಲೆಂಡರ್ನ ಮೊದಲ ತಿಂಗಳೆಂದು ಪರಿಗಣಿಸಲಾಗುತ್ತದೆ. ಹಿಂದೆ ಫ್ರಾನ್ಸ್ನಲ್ಲಿ ವರ್ಷದ ಮೊದಲ ದಿನವನ್ನೇ ಮೂರ್ಖರ ದಿನವನ್ನಾಗಿ ಆಚರಿಸಲಾಗುತ್ತಿತ್ತು. ಇದೇ ಕಾರಣದಿಂದಲೇ ಇಂದಿಗೂ ಮೋಜು ಮಜಾದ ವಿಚಾರ ಬಂದಾಗ ಏಪ್ರಿಲ್ ಮುಂಚೂಣಿಯಲ್ಲಿದೆ.
