ಜ್ಯೋತಿಷ್ಯ ಶಾಸ್ತ್ರದ ಪ್ರಕಾಈ ಪ್ರತಿಯೊಂದು ಗ್ರಹದ ಸ್ಥಾನ ಬದಲಾವಣೆ ಜನರ ಜೀವನ ಮತ್ತು ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ. ನವೆಂಬರ್ ತಿಂಗಳಿನಲ್ಲಿ ಸೂರ್ಯದೇವರು ತನ್ನ ಸ್ಥಾನ ಬದಲಾವಣೆ ಮಾಡಲಿದ್ದು, ಇದರಿಂದಾಗಿ 6 ರಾಶಿಗಳ ಅದೃಷ್ಟ ಬದಲಾಗುತ್ತಿದೆ. ನವೆಂಬರ್ 16ರ ಸಂಜೆ 6:58 ಗಂಟೆಗೆ ವೃಶ್ಚಿಕ ರಾಶಿಗೆ ಸೂರ್ಯದೇವರ ಪ್ರವೇಶ ಆಗಲಿದೆ. ಈ ಬದಲಾವಣೆ ಇಂದ ಅದೃಷ್ಟ ಪಡೆಯುವ ಆ ರಾಶಿಗಳು ಯಾವುವು ? ಅವುಗಳಲ್ಲಿ ಆಗುವ ಬದಲಾವಣೆ ಏನು ಎಂದು ತಿಳಿಸುತ್ತೇವೆ ನೋಡಿ..
ಮೇಷ ರಾಶಿ :- ಸೂರ್ಯದೇವನು ಈ ರಾಶಿಯವರ ಜಾತಕದ 5ನೇ ಮತ್ತು 8ನೇ ಮನೆಗೆ ಅಧಿಪತಿ ಆಗಿದ್ದು, ಸಂಶೋಧನೆ ಕೆಲಸಗಳನ್ನು ಮಾಡುತ್ತಿರುವವರಿಗೆ ಯಶಸ್ಸು ಸಿಗುತ್ತದೆ. ಈ ಸಮಯದಲ್ಲಿ ನಿಮ್ಮ ಆರೋಗ್ಯಕ್ಕೆ ಸಮಸ್ಯೆ ಉಂಟಾಗಬಹುದು.
ವೃಷಭ ರಾಶಿ :- ಸೂರ್ಯದೇವರು ಈ ರಾಶಿಯವರ ಜಾತಕದಲ್ಲಿ 7ನೇ ಮತ್ತು 4ನೇ ಮನೆಗೆ ಅಧಿಪತಿ ಆಗಿದ್ದು, ಈ ಸಮಯದಲ್ಲಿ ಬ್ಯುಸಿನೆಸ್ ಮಾಡುತ್ತಿರುವವರಿಗೆ ಹೆಚ್ಚಿನ ಲಾಭ ಆಗುತ್ತದೆ, ಹೊಸ ಅವಕಾಶಗಳು ಸಿಗುತ್ತದೆ. ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಒಳ್ಳೆಯದು, ನಿಮ್ಮ ಸಂಬಂಧಗಳಲ್ಲಿ ಸಹ ಏರಿಳಿತ ಆಗಬಹುದು.
ಮಿಥುನ ರಾಶಿ :- ಈ ರಾಶಿಯ 3ನೇ ಮತ್ತು 6ನೇ ಮನೆಗೆ ಸೂರ್ಯದೇವ ಅಧಿಪತಿ. ಈ ಸಮಯದಲ್ಲಿ ಪರಿಕ್ಷೆಗೆ ತಯಾರಿ ನಡೆಸಿಕೊಳ್ಳುತ್ತಿರುವವರಿಗೆ ಶುಭವಾಗುತ್ತದೆ, ಎಂ.ಎನ್.ಸಿ ಕಂಪೆನಿಗಳಲ್ಲಿ ಕೆಲಸ ಮಾಡುತ್ತಿರುವವರಿಗೆ ಹೆಚ್ಚಿನ ಲಾಭ ಆಗುತ್ತದೆ.
ಮಕರ ರಾಶಿ :- ಈ ಸಮಯದಲ್ಲಿ ಮಕರ ರಾಶಿಯವರ ಐಶ್ವರ್ಯ ಅಂತಸ್ತು ವೃದ್ಧಿಯಾಗುತ್ತದೆ. ಕೆಲಸ ಮತ್ತು ಬ್ಯುಸಿನೆಸ್ ನಲ್ಲಿ ಲಾಭ ಉಂಟಾಗಲಿದೆ. ಇವರ ವೈಯಕ್ತಿಕ ಜೀವನಕ್ಕೆ ಇದು ಒಳ್ಳೆಯ ಸಮಯ ಆಗಿದೆ.
ವೃಶ್ಚಿಕ ರಾಶಿ :- ಸೂರ್ಯದೇವರು ಈ ರಾಶಿಯ 10ನೇ ಮನೆಗೆ ಅಧಿಪತಿ ಆಗಿದ್ದಾನೆ. ಈ ಸಮಯದಲ್ಲಿ ಬ್ಯುಸಿನೆಸ್ ಮಾಡುತ್ತಿರುವವರು ಹೆಚ್ಚಿನ ಲಾಭ ಪಡೆಯಬಹುದು. ಸಮಾಜದಲ್ಲಿ ಗೌರವ ಪ್ರತಿಷ್ಠೆ ಸಿಗುತ್ತದೆ.
ತುಲಾ ರಾಶಿ :- ಈ ರಾಶಿಯ 2ನೇ ಮತ್ತು 11ನೇ ಮನೆಗೆ ಅಧಿಪತಿ ಸೂರ್ಯದೇವ. ಈ ಸಮಯದಲ್ಲಿ ತುಲಾ ರಾಶಿಯವರಿಗೆ ಹಣದ ವಿಚಾರದಲ್ಲಿ ಲಾಭ ಉಂಟಾಗಬಹುದು. ಈ ಸಮಯದಲ್ಲಿ ನೀವು ಉಳಿತಾಯ ಸಹ ಮಾಡುತ್ತೀರಿ.